Welcome to our book review site go-pdf.online!
You may have to Search all our reviewed books and magazines, click the sign up button below to create a free account.
Creation, Publishing, and Criticism
Laura Lojo is Associate Professor of English literature and language at the University of Santiago de Compostela and has a Ph.D. in VirginiaWoolf's writing. Lojo is the author of Introduction to Virginia Woolf's Short Fiction (2003), and is co-editor of Writing Bonds: Irish and Galician Contemporary Women Poets (2009). She has also published book chapters and articles in literary journals on various topics, such as the reception of British modernism in Spanish-speaking countries, Irish women's poetry, women's studies, and comparative literature. --
Vivir, unha aventura irrepetíbel
Este volume recolle a memoria da poeta, o seu testemuño persoal, acompañado da documentación que ata o de agora permanecía agochada no papel amarelecido dos xornais e das cartas. Coa liberdade como máxima vital, a protagonista deste libro atravesa o tempo da Guerra Civil, a experiencia amorosa, a maternidade e os anos de aprendizaxe en América. A carón da vocación literaria xorde a amizade con membros da xeración poética española do 27 e as horas compartidas con moitos dos escritores e artistas galegos do seu tempo.
Partituras
Este libro contén un exercicio literario pouco frecuentado na literatura galega. A creación a dúas voces, entre senllos poetas, consciente e decidida dende un comezo. Unha escritura poética que, coma os latexos da vida, se foi construíndo devagar mais de forma incesante. De xeito que cada poema interpela e dialoga co seu próximo. O joc partit das vellas cantigas medievais cobra vida auténtica e dobra e expande o potencial da voz poética. Os textos entrelázanse, nunha estrutura cambiante e (ir)reversíbel. A partir da sensibilidade individual –de creadora e creador, neste caso– os versos asumen a condición dun todo único e plural. O que fai que, pola súa vez, isto constitúa un marabilloso exercicio de reinterpretación, á vez singular e colectiva, da existencia.
Lois Pereiro
Velaquí unha cartografía xeográfica, desde O Incio á Coruña, pasando por Monforte, Madrid e varios países centroeuropeos, que nos retrotrae aos pasos, pensamentos e creación literaria dun escritor vocacional, un espírito culto, inconformista e rebelde, que, malia á adversidade dolorosa asexante, se nega a entregarse á rendición definitiva, radicalmente provocador, comunicador de vida e alento emocional humano como epicentro de existencia auténtica aberta ao mundo plural, mais interpretado desde aquí, desde nós. Unha palabra impresa que nos lembra a beleza das palabras e a forza do seu compromiso ético atemporal e sempre de actualidade. Vivimos malos tempos para a reflexión e a resistencia neste imperio “zombi” de Microsoft mental e de autoestradas da información cando xa hai tan poucas persoas con neuronas dispostas a servirse de tanta información, e moito menos a utilizalas en contra dese mesmo poder que as invade coas peores intencións.
Un ruído provocado(r)
Esta obra reúne 12 voces arredor da vida, mais, sobre todo, da obra de Luísa Villalta. Todas buscan provocar un ruído: facer pensar arredor da poeta, da narradora, da ensaísta, da dramaturga, da profesora, en definitiva, da muller que Villalta foi. Estas páxinas abalan entre a lembranza, o estudo rigoroso, a contextualización da súa produción, a reivindicación dos seus compromisos, o agarimo das amigas, a posta en valor do seu culturalismo e a visibilización do pouso que deixou en diferentes ámbitos. Nelas, a lectora e o lector atento poderán descubrir por si mesmos as arestas dunha autora que non renunciou a ningún xénero literario nin a comprometerse coa sociedade que lle tocou vivir. Marta Dacosta, Francisco Fernández Naval, Alexandrina Fernández Otero, Carmen Fernández Pérez-Sanjulián, Rosalía Fernández Rial, Maribel Longueira, Antía Otero, Roberto Pascual, Montse Pena Presas, Ana Pillado, Susana Sanches Arins e Cesáreo Sánchez Iglesias achégannos a unha das poucas creadoras galegas que, á vez que se introduciu no ámbito da ficción, reflexionou sobre ela. Escoitemos, porque todos os ruídos resultan ser provocadores.
Edición e estudo da obra poética de Emilio Pita
Este volume recolle o corpus lírico do polifacético intelectual Emilio Pita (A Coruña, 1909 - Bos Aires, 1981). O estudo biográfico do autor, as preceptivas análises e maila edición crítica dos textos fan desde libro unha interesante contribución no terreo da revisión e difusión das obras fundamentais da literatura galega.
O morto asasinado e outros contos
Entre 1998 e 2012, María do Carme Kruckenberg publicou periodicamente, en edición non venal e co propósito de servir de agasallo ás amizades, un total de quince relatos breves acompañados de ilustracións de Eva Lloréns, Mercedes Lence, Gonzalo Suárez, Antón Goyanes e da propia autora. Eses relatos, xunto con outros sete publicados en 1999, reúnense neste libro. A experiencia vital da autora é a gran protagonista e o nexo destas pezas literarias nas que a sensibilidade da poeta, as súas vivencias e o pouso da memoria configuran un tecido feito de retallos, historias e impresións persoais sobre a vida e a xente. Unha ollada literaria que é o envés, tamén verdadeiro, da aventura irrepetible da poeta.
