You may have to Search all our reviewed books and magazines, click the sign up button below to create a free account.
«Inmunda escoria» foi o titular co que un xornal caracterizou os estudantes universitarios antifranquistas en 1968, cando as súas protestas fixeron tremer as estruturas da Ditadura. Inmunda escoria. A universidade franquista e as mobilizacións estudantís en Compostela, 1939-1968 nace da exposición que a Fundación 10 de Marzo lle encargou a Ricardo Gurriarán para conmemorar os corenta anos das loitas do curso 1967/68 na Universidade galega. A partir dun intenso labor de investigación en arquivos públicos –malia os impedimentos legais que amparan os tan «distantes» tempos da Ditadura franquista– e privados, así como das máis de cen entrevistas aos participantes directos e ind...
Este libro sitúa de cheo o lector naquel tempestuoso curso académico 1967-68. Momentos de movementos e mobilizacións estudantís que removeron a Universidade de Santiago de Compostela e sacudíndoa fixeron tamén tremer ao país. ¡Santiago era o marco ideal para aquel movemento que cambiou Galicia moito máis do que a historia convencional transmitiu á xente, pois cambiou as elites universitarias de toda unha xeración... De aí saíron novos movementos sociais e novos partidos de carácter progresista e moitos deles autóctonos, nacionalistas. A través destes 16 testemuños, das súas vivencias e das súas vidas fálase de personaxes, grupos organizados, facultades, mulleres, nacionalismo, comunismo, acción cultural, visión e misión relixiosas, clubs de cine e voces que se sentían ceibes e facían sentir ceibes ás voces que naquel momento non o eran. Todo un emerxer e remexer de inquedanzas e ansias de liberdades mutiladas que sitúan a Santiago entre, como se ten dito, as «vedetes de Europa».